ឯកឧត្តម វង្ស ផាណាត ប្រធានក្រុមប្រឹក្សាខេត្ត និងឯកឧត្តម ម៉ាង ស៊ីណេត អភិបាល នៃ គណៈអភិបាលខេត្តព្រះសីហនុ អញ្ជើញចូលរួមពិធីគោរព វិញ្ញាណក្ខន្ធ ឯកឧត្តម ជិន ឌឹក លឿង អតីតប្រធានរដ្ឋ នៃ សាធារណរដ្ឋ សង្គមនិយមវៀតណាម នៅស្ថានអគ្គកុងស៊ុល វៀតណាមប្រចាំខេត្តព្រះសីហនុ.
(ខេត្តព្រះសីហនុ): ព្រឹកថ្ងៃទី២៤ ខែឧសភា ឆ្នាំ២០២៥ ឯកឧត្តម វង្ស ផាណាត ប្រធានក្រុមប្រឹក្សាខេត្ត និងឯកឧត្តម ម៉ាង ស៊ីណេត អភិបាល នៃ គណៈអភិបាលខេត្តព្រះសីហនុ អញ្ជើញចូលរួមពិធីគោរព វិញ្ញាណក្ខន្ធ ឯកឧត្តម ជិន ឌឹក លឿង អតីតប្រធានរដ្ឋ នៃ សាធារណរដ្ឋ សង្គមនិយមវៀតណាម នៅស្ថានអគ្គកុងស៊ុល វៀតណាមប្រចាំខេត្តព្រះសីហនុ ស្ថិតនៅសង្កាត់លេខ៣ ក្រុង ព្រះសីហនុ ខេត្តព្រះសីហនុ.
ស្ថានអគ្គកុងស៊ុល វៀតណាមប្រចាំខេត្តព្រះសីហនុ បានបញ្ជាក់ថា មរណ:ភាពរបស់អតីតប្រធានរដ្ឋ នៃ សាធារណរដ្ឋ សង្គមនិយមវៀតណាម លោក ជិន ឌឹក លឿង គឺជាការបាត់បង់ដ៏ធំធេងមួយចំពោះបក្ស រដ្ឋ ប្រជាជនវៀតណាម និង ក្រុមគ្រួសាររបស់គាត់ទាំងមូល។ ស្ថានអគ្គកុងស៊ុលនៃសាធារណៈរដ្ឋសង្គមនិយម
វៀតណាម ប្រចាំខេត្តព្រះសីហនុ មានសេចក្តីសោមនស្សរីករាយយ៉ាងក្រៃលែង ដែលបានស្វាគមន៍ចំពោះគណៈប្រតិភូ ជាពិសេសថ្នាក់ដឹកនាំខេត្តព្រះសីហនុដែលបានអញ្ជើញមកសាកសួរសុខទុក្ខ គោរពវិញ្ញាណក្ខន្ខ និងចុះហត្ថលេខាលើលិខិតរំលែកទុក្ខ។
ផ្សាយ:ថ្ងៃទី២៤ ខែឧសភា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលី
សៅ វាសនា(HarryVS)
