ក្រសួងមហាផ្ទៃ នៃរាជរដ្ឋាភិបាលកម្ពុជា សូមស្វាគមន៍យ៉ាងកក់ក្តៅចំពោះ ឯកឧត្ដម Michael George DeSombre ឧបការីរដ្ឋមន្ត្រីក្រសួងការបរទេសសហរដ្ឋអាមេរិកទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក ដែលមុនបន្តដំណើរមកបំពេញទស្សនកិច្ចកម្ពុជា ថ្ងៃទី១០ ខែមករា ឆ្នាំ២០២៦ នេះ បានគូសបញ្ជាក់ជាថ្មីទៀតនូវគោលជំហរ សហរដ្ឋអាមេរិកចូលរួមចំណែកដោះស្រាយវិវាទរវាងកម្ពុជា និងថៃព្រមទាំងបានប្រកាសប្តេជ្ញាបន្តជួយជ្រោមជ្រែងប្រទេសទាំងពីរ អនុវត្តសេចក្តីថ្លែងការណ៍រួមស្តីពីសន្តិភាពរវាងកម្ពុជា និងថៃ នៅទីក្រុងគូឡាឡាំពួ ប្រទេសម៉ាឡេស៊ី និងបើកផ្លូវសម្រាប់ការវិលត្រឡប់ទៅរកសន្តិភាព វិបុលភាព និងស្ថិរភាពយូរអង្វែងដល់ប្រជាជននៃប្រទេសទាំងពីរ ក៏ដូចជាតំបន់ទាំងមូល.