រដ្ឋបាលខេត្តព្រះសីហនុ ទុករយះពេល១៥ថ្ងៃ អោយម្ចាស់ទីតាំងសំណង់ខុសច្បាស់មួយកន្លែងក្នុងស្រុកស្ទឹងហាវ បញ្ឍប់រាល់សកម្មភាព និងរុះរេីចេញជាបន្ទាន់!
(ខេត្តព្រះសីហនុ): សំណង់រឹងខុសច្បាប់មួយកន្លែងត្រូវបានគេដឹងថាមជាកម្មសិទ្ធ របស់ម្ចាស់ភោជនីយដ្ឋាន Beach House ដែលមានឈ្មោះ គួច វិន័យ និងលោកស្រីអ៊ុច ស្រីរត្ន័ ជាតំណាង ស្ថិតនៅភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ កំពុងតែមានសកម្មភាពសាងសងរំលោភបំពានចូលក្នុងសមុទ្រ.
យោងតាមអនុក្រឹត្យលេខៈ ៩៨ អនក្រ.បក ចុះថ្ងៃទី២៤ ខែកក្កដា ឆ្នាំ២០១៥ របស់រាជរដ្ឋាភិបាលកម្ពុជាស្តីពីការគ្រប់គ្រងអាងទន្លេ និងតាមការចង្អុលបង្ហាញពីឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ នៅព្រឹកថ្ងៃទី១៦ ខែមករា ឆ្នាំ២០២៦ នេះមន្ត្រីជំនាញរបស់រដ្ឋបាលស្រុកស្ទឹងហាវបានចុះធ្វេីការណែនាំតម្រូវឱ្យម្ចាស់ទីតាំងខាងលើរុះរើចេញដោយខ្លួន ឯងគិតត្រឹមថ្ងៃទី២៦ ខែមករា ឆ្នាំ២០២៦ ជាកំហិត ក្នុងករណីម្ចាស់ទីតាំងខាងលើមិនចូលរួមសហការ និងអនុ វត្តតាមសេចក្តីជូនដំណឹងនេះទេ រដ្ឋបាលស្រុកនឹងចាត់វិធានការតាមផ្លូវច្បាប់ជាធរមាន និងចុះរុះរើដោយផ្ទាល់ ហើយការចំណាយក្នុងការរុះរើសំណង់ជាបន្ទុករបស់ម្ចាស់ទីតាំងផ្ទាល់។ ចំពោះផលប៉ះពាល់ខូចខាតសំណង់ ផ្សេងៗទៀតរដ្ឋបាលស្រុកស្ទឹងហាវមិនទទួលខុសត្រូវឡើយ។។
យោងតាមរបាយការណ៍រដ្ឋបាលស្រុកស្ទឹងហាវបានបញ្ជាក់ថា: កន្លងមកក្រុមការងាររបស់រដ្ឋបាលស្រុកបានចុះហាមឃាត់ ផ្អាក និងបានតម្រូវឱ្យរុះរើសំណង់នានា ដែលបានសាងសង់ដោយគ្មានការអនុញ្ញាតចូលក្នុងសមុទ្រចំនួនពីរលើករួចមកហើយ ដោយក្នុងកំណត់ហេតុនោះចុះថ្ងៃទី៩ និងថ្ងៃទី១១ ខែមករា ឆ្នាំ២០២៦ ស្តីពីការចុះពិនិត្យការសាងសង់សំណង់ (ស្ពាន) ចូលក្នុងចំណីសមុទ្រ របស់ ភោជនីយដ្ឋាន BEACH HOUSE (ចំនួន ២លើក) ហេីយជាក់ស្តែងគឺមានស្ពានដែលមានទទឹង៦ម៉ែត្រ និងបណ្តោយ២០ម៉ែត្រ និងកញ្ចុះកំសាន្តមួយ ចំនួនទៀតពិតជាបានសាងសង់រំលោភតាមបណ្តោយនៃចំណីសមុទ្រ ស្ថិតនៅទីតាំងខាងលេីមែន។
ផ្សាយ:ថ្ងៃទី១៦ ខែមករា ឆ្នាំ២០២៦
ដោយ:សៅ វាសនា(HarryVS)
