លោកឧត្តមសេនីយ៍ទោឈឿន សុចិត្ត បានអញ្ជេីញចុះទៅពិនិត្យស្ថានភាពរបួស និងសួរសុខទុក្ខលោកអនុសេនីយ៍ឯក ជា សុធានិត ដែលកំពុងព្យាបាលរបួលនៅមន្ទីរពេទ្យ ដោយសារគ្រោះថ្នាក់ចរាចរណ៍.
(ខេត្តកណ្តាល): ដោយអនុវត្តតាមបទបញ្ជាចង្អុលដឹកនាំដ៏ខ្ពង់ខ្ពស់ របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និង ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល លោកឧត្តមសេនីយ៍ទោឈឿន សុចិត្ត បានអញ្ជេីញចុះទៅពិនិត្យស្ថានភាពរបួស និងសួរសុខទុក្ខ លោកអនុសេនីយ៍ឯក ជា សុធានិត ដោយផ្ទាល់ មន្ទីរពេទ្យ ដែលជាមន្ត្រីបម្រើការងារក្រោមឨវាទ នៅការិយាល័យគ្រប់គ្រងអាវុធជាតិផ្ទុះ ដែលបានជួបគ្រោះ ថ្នាក់ចរាចរណ៍ក្នុងពេលបំពេញភារកិច្ចការងារនៅល្ងាចថ្ងៃទី១៥ ខែកុម្ភៈ ឆ្នាំ២០២៦ នេះ បច្ចុប្បន្នកំពុងសង្គ្រោះព្យាបាលនៅមន្ទីរពេទ្យ បង្អែកជ័យជំនះក្រុងតាខ្មៅ ខេត្តកណ្តាល។
ជាមួយគ្នានេះ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាលក៏បានជូនពរដល់លោក ព្រមទាំងឧបត្ថម្ភថវិកាជូនពរដល់លោកអនុសេនីយ៍ឯក ជា សុធានិត អោយឆាប់ជាសះស្បេីយពីជម្ងឺ ព្រមទាំងនាំយកថវិកាមួយចំនួនឧបត្ថម្ភជូនដល់ក្រុមគ្រួសារដេីម្បីសម្រួលដល់ការចាយវាយផងដែរ។
ផ្សាយ:ថ្ងៃទី១៥ ខែកុម្ភៈ ឆ្នាំ២០២៦
ដោយ:សៅ វាសនា(HarryVS)
