នាវាកងទ័ពជើងទឹកកាណាដា HMCS Regina (FFH 334) បានចូលសុំចតនៅកំពង់ផែស្វយ័តក្រុងព្រះសីហនុ ដើម្បីរិទ្ធចំណងមិត្តភាពរវាងកងទ័ពជើងទឹកប្រទេសទាំងពីរ កាណាដា និងកងទ័ពជើងទឹកខេមរៈភូមិន្ទ។
(ខេត្តព្រះសីហនុ): នៅវេលាម៉ោង ១០:០០នាទី ថ្ងៃទី ២២ ខែកញ្ញា ឆ្នាំ២០២៦ នាវាកងទ័ពជើងទឹកកាណាដាចំនួន ១ គ្រឿងឈ្មោះ HMCS Regina (FFH 334) ចូលសុំចតនៅកំពង់ផែស្វយ័តក្រុងព្រះសីហនុរយះពេល៣ថ្ងៃ(២២-២៤.០៩.២០២៦) ក្នុងដំណើរទស្សនកិច្ចជាផ្លូវការនៅខេត្តព្រះសីហនុ ព្រះរាជាណាចក្រកម្ពុជា ដើម្បីរិទ្ធចំណងមិត្តភាពរវាងកងទ័ពជើងទឹកប្រទេសទាំងពីរ កាណាដា និងកងទ័ពជើងទឹកខេមរៈភូមិន្ទ។
+លក្ខណៈបច្ចេកទេសនាវា៖
-នាវាចម្បាំងប្រភេទ ហាលីហ្វាក់ (Halifax-class frigate)
-ទម្ងន់ផ្ទុក (Displacement) ៤,៧៩៥ តោន (ទម្ងន់ប្រតិបត្តិការ)
-ប្រវែង ១៣៤.២ ម៉ែត្រ
-ទទឹង ១៦.៥ ម៉ែត្រ
-ជម្រៅទឹក (Draught) ៧.១ ម៉ែត្រ
-នាវិកសរុបចំនួន ២៥៥ នាក់ (រួមទាំងក្រុមប្រតិបត្តិការអាកាសចរណ៍៤នាក់)។
-មេបញ្ជាការនាវា វរនាវីទោ Darren Sleen.
ក្នុងដំណេីរទស្សន:កិច្ចនេះ ត្រូវបានគេរំពឹងថាក្រុមប្រតិភូនាវាកងទ័ពជើងទឹកកាណាដា ដឹកនាំដោយឯកឧត្តម Christian Desroches ឯកអគ្គរាជទូតកាណាដាប្រចាំព្រះរាជាណាចក្រក៏នឹងគ្រោងចូលជួបសម្តែងការគួរសមជាមួយថ្នាក់ដឹកនាំរដ្ឋបាលខេត្តព្រះសីហនុ ក្នុងល្ងាចថ្ងៃតែមួយនេះផងដែរ។
ផ្សាយ:ថ្ងៃទី២២ ខែកញ្ញា ឆ្នាំ២០២៦
ដោយ:សៅ វាសនា(HarryVS)
