លោក មីន ចាន់ធី ប្រធានសមាគមសម្ព័ន្ធយុវជនសារព័ត៌មានដើម្បីសន្តិភាព បានលើកឡើងថា៖ «ការផ្សព្វផ្សាយបញ្ហាឯកជនភាពគ្រួសារដែលមានលក្ខណៈហួសហេតុ គឺជាការប្រព្រឹត្តខុសឆ្គងនឹងក្រមសីលធម៌វិជ្ជាជីវៈ»។ រួមគ្នាថែរក្សាសេចក្ដីថ្លៃថ្នូរ និងសីលធម៌សង្គម! 🇰🇭 សូមបងប្អូនអ្នកសារព័ត៌មាន និងអ្នកប្រើប្រាស់បណ្ដាញសង្គម មេត្តាស្វែងយល់ពីសារក្រើនរំលឹករបស់សមាគមសម្ព័ន្ធយុវជនសារព័ត៌មានដើម្បីសន្តិភាព ដូចខាងក្រោម៖
(រាជធានីភ្នំពេញ): លោក មីន ចាន់ធី ប្រធានសមាគមសម្ព័ន្ធយុវជនសារព័ត៌មានដើម្បីសន្តិភាព នាព្រឹកថ្ងៃទី២៥ ខែកញ្ញា ឆ្នាំ២០២៦ នេះ បានលើកឡើងថា៖ «ការផ្សព្វផ្សាយបញ្ហាឯកជនភាពគ្រួសារដែលមានលក្ខណៈហួសហេតុ គឺជាការប្រព្រឹត្តខុសឆ្គងនឹងក្រមសីលធម៌វិជ្ជាជីវៈ»។
ការលេីកឡេីងនេះ ស្របពេលអ្នកលេងតាមបណ្តាញសង្គមហ្វេសប៊ុកមួយចំនួន និងបងប្អូនអ្នកសារព័ត៌មានមួយចំនួនតូច បាននាំគ្នាបង្ហោះសារទាក់ទិនទៅនឹងបញ្ហាគ្រួសារមួយដែលប្រពន្ធតាមទាន់ប្តីនាំស្រីទៅផ្ទះសំណាក់មួយកន្លែងដូចមានរូបភាពដែលបានភ្ជាប់ខាងក្រោម។ ដែលការផ្សព្វផ្សាយទាំងនោះ មានលក្ខណៈមិនសមរម្យប៉ះពាល់កិត្តិយស សេចក្តីថ្លៃថ្នូរយ៉ាងធ្ងន់ធ្ងររបស់បុគ្គល។
លោកបានបញ្ជាក់ថា ក្នុងនាមជាអ្នកសារព័ត៌មានយេីងត្រូវប្រកាន់ខ្ជាប់នូវក្រមសីលធម៌ វិជ្ជាជីវៈជានិច្ច ការចែកចាយឫផ្សព្វផ្សាយរូបភាពវីដេអូ ជម្លោះប្តីប្រពន្ធឫបញ្ហាឯកជនភាពហួសហេតុ គឺជាការប្រព្រឹត្តខុសឆ្គងនឹងក្រមសីលធម៌វិជ្ជាជីវ:អ្នកសារព័ត៌មាន និងផ្ទុយពីការណែនាំរបស់ក្រសួងព័ត៌មាន ក្រសួងកិច្ចការនារី និងក្រសួងវប្បធម៌និងវិចិត្រសិល្ប: ដែលបានហាមឃាត់ការផ្សព្វផ្សាយមាតិកាដែលប៉ះពាល់ វប្បធម៌ប្រពៃណី និងសេចក្តីថ្លៃថ្នូររបស់ស្ត្រីខ្មែរ។
អាស្រ័យហេតុនេះ លោកប្រធានសមាគម បានក្រេីនរំលឹកដល់បងប្អូនអ្នកសារព័ត៌មានទាំងអស់ សូមមេត្តាបញ្ឍប់រាល់ការផ្សព្វផ្សាយចែកចាយ ឫក៏ផលឹតនូវមាតិកាពាក់ព័ន្ធនឹងរូបភាពបែបនេះ ដេីម្បីរួមចំណែកលេីកកម្ពស់សីលធម៌សង្គម ថែរក្សាតម្លៃវប្បធម៌ជាតិ និងជៀសវាងការប្រឈមវិធានការផ្លូវច្បាប់!
សូមអរគុណ.
ផ្សាយ:ថ្ងៃទី២៥ ខែកញ្ញា ឆ្នាំ២០២៦
ដោយ:សៅ វាសនា(HarryVS)
