លោកជំទាវ ចាយ ច័ន្ទរ៉ានី ភរិយាឧត្តមសេនីយ៍ទោ ហ៊ុល សំអូន មេបញ្ជាការកងពលតូចដឹកជញ្ជូនលេខ៩៩ រួមទាំងយោធិននារី កងពលតូចដឹកជញ្ជូនលេខ៩៩ បានរៀបចំបាយសម្លរចែកជូនដល់បងកងកម្លាំង ដែលកំពុងឈរជើងនៅសមរភូមិមុខ ទិសប្រាសាទតាមាន់ ។
(ខេត្តឧត្តរមានជ័យ): កាលពីព្រឹកថ្ងៃទី៣ ខែមិថុនា ឆ្នាំ២០២៥ កន្លងទៅនេះ លោកជំទាវ ចាយ ច័ន្ទរ៉ានី ភរិយាឧត្តមសេនីយ៍ទោ ហ៊ុល សំអូន មេបញ្ជាការកងពលតូច ដឹកជញ្ជូនលេខ៩៩ រួមទាំងយោធិននារី កងពលតូចដឹកជញ្ជូន លេខ៩៩ បានរៀបចំបាយសម្លរចែកជូនដល់បងប្អូនកងកម្លាំង ដែលកំពុងឈរជើងនៅសមរភូមិមុខទិសប្រាសាទតាមាន់ ខេត្តឧត្តរមានជ័យ ។
ក្នុងឱកាសនោះដែរ លោកជំទាវក៏បានពាំនាំនូវការផ្តាំផ្ញេីសួរសុទ្ខរបស់ប្រមុខរាជរដ្ឋាភិបាលកម្ពុជាដែលដឹកនាំដោយសម្តេចធិបតី ហ៊ុន ម៉ាណែត និងលោកជំទាវបណ្ឌិត ពិសេសសម្តេចតេជោ ហ៊ុន សែន ប្រធានព្រឹទ្ធសភា និងលោកជំទាវ ដែលតែងតែយកចិត្តទុកដាក់ដល់កងប្រចាំការកម្លាំងជួរមុខទាំងអស់។
ទន្ទឹមនឹងនោះលោកជំទាវ ចាយ ច័ន្ទរ៉ានី ហ៊ុល សំអុន ក៏បាននាំយកគ្រឿងឧបភោគបរិភោគមួយចំនួនរួមមាន៖
-មី ៨កេសធំ
– ទឹកត្រី ៥០យួរ
– ទឹកស៊ីអ៊ីវ ៥០យួរ
-ទឹកដោះគោឆៅ ៧កេស
– ទឹកសុទ្ធ ១០០កេស
-តង់ ២០ផ្ទាំង
-ខ្សែចងតង់ ២ដុំធំ
-កាពិកធាវ ៦០០កំប៉ុង
-សម្លរខ្វះ ៦០០ប្រអប់
– បន្លែគ្រប់មុខនិងថវិកា ២លានរៀលជូនចំពោះកងពលតូចថ្មើរជើង លេខ៤២ និង១លានរៀលជូនដល់កងអនុសេនាធំ១ នៃ កងវរសេនាតូចលេខ៤២៣ទាំងនេះបញ្ជាក់អោយឃេីញពីទឹកចិត្តរបស់លោកជំទាវចាយ ច័ន្ទរ៉ានី និងឧត្តមសេនីយ៍ទោ ហ៊ុល សំអូនដែលជានិច្ចកាលតែងតែយកចិត្តទុកដាក់អំពីសុខទុក្ខ និងវិរៈភាពកងទ័ពជួរមុខ ដើម្បីការពារអធិបតេយ្យភាព បូរណភាពទឹកដី៕
ផ្សាយ:ថ្ងៃទី៤ ខែមិថុនា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលី
សៅ វាសនា(HarryVS)
