សម្តេចតេជោ ហ៊ុន សែន ចេញមុខអន្តរាគមន៍បញ្ហាសហព័ន្ធ កីឡាករប្រដាល់គុនខ្មែរដាក់ពិន័យ ម៉ឺន មេឃា និង អេ អាំម៉ារីន ហើយមុននេះ.
(រាជធានីភ្នំពេញ): ប្រមាណជាពីរថ្ងៃចុងក្រោយនេះ ប្រហែលជាបងប្អូនដែលនិយមស្នេហាវិស័យកីឡាបានដឹងរួចមកហេីយ ក្រោយសហព័ន្ធកីឡាគុនខ្មែរបានសំរេចដាក់ពិន័យកីឡាករគុនខ្មែរពីរនាក់បងប្អូនបង្កេីតនឹងគ្នា ដែលត្រូវជាកូនរបស់លោកគ្រូអេ ភូថង ដោយសហពន្ធ័កីឡាគុនខ្មែរបានចេញលិខិតមួយច្បាប់បង្ហោះនៅលេីបណ្តាញសង្គមផ្លូវការរបស់ខ្លួន ហេីយក៏មានការលុបចេញវិញ ដោយការដាក់ពិន័យនោះ គឺមិនត្រូវបានគេចាប់គូរអោយប្រកួតរយះពេល៦ខែ និងមានការចែកចាយបន្តជាច្រេីនតាមប្រពន្ធ័ផ្សព្វផ្សាយសង្គមផងដែរ.
ដោយឡែកនាព្រឹកថ្ងៃទី២៧ ខែកុម្ភ: ឆ្នាំ២០២៦ នេះ សម្តេចអគ្គមហាសេនាបតីតេជោ ហ៊ុន សែន បានចេញធ្វេីការបង្ហោះសំណេរនៅលេីផេកទំនាក់ទំនងផ្លូវការរបស់សម្តេចទាក់ទង់ទៅនឹងវិវាទក្នុងវិស័យកីឡាគុណខ្មែរមួយនេះ ក្នុងនោះសម្តេចបានបង្ហោះសំណេរដែលមានខ្លឹងសារទាំងស្រុងដូចខាងក្រោម:
ក្រោយការផ្ទុះការវែកញែកលើរឿង សហព័ន្ធកីឡាប្រដាល់គុនខ្មែរហាមឃាត់កីឡាករ២រូបមិនឲ្យប្រកួត រយៈពេល៦ខែក្នុងពេលកីឡាករទាំងពីររូបកំពុងត្រៀមប្រកួតនៅ ក្រៅប្រទេស។
ខ្ញុំសូមសំណូមពរដ៏ទទូចឲ្យសហព័ន្ធកីឡាប្រដាល់គុនខ្មែរលុបចោលសេចក្តីជូនដំណឹងនេះសិនព្រោះវាទាក់ទងជាមួយកិត្តិយសជាតិផងនិង វិធីដោះស្រាយបញ្ហារបៀបរបបនៃការងារផ្ទៃក្នុងសហព័ន្ធផង។
ការដោះស្រាយផ្សេងទៀតរង់ចាំឲ្យ កីឡាករទាំងពីររូបនិងគណៈប្រតិភូវិលចូលប្រទេសវិញចាំពិភាក្សាដោះស្រាយជាក្រោយដោយស្មារតី សាមគ្គីភាពនិងការយោគយល់គ្នា៕
ផ្សាយ:ថ្ងៃទី២៧ ខែកុម្ភះ ឆ្នាំ២០២៦
ដោយ:សៅ វាសនា(HarryVS)
