លោក មីន ចាន់ធី ប្រធានសមាគមយុវជនសារព័ត៌មានដើម្បីសន្តិភាព បានចូលរួមបើកកម្មពិធីបើកសម្ពោធគម្រោងកិច្ចសហប្រតិបត្តិការមេគង្គ-ឡាងឆាង ឆ្នាំ២០២៥ “Zero Fake News Campaign: Strengthening Anti-Misinformation Effort: Following ” Combating Fake News For Journalist (Phase 2)” នៅទីស្ដីការក្រសួងព័ត៌មាន.
(រាជធានីភ្នំពេញ): លោក មីន ចាន់ធី ប្រធានសមាគមយុវជនសារព័ត៌មានដើម្បីសន្តិភាព និងជាចាងហ្វាងអង្គភាពគេហទំព័រសារព័ត៌មានអាស៊ានដេលី នារសៀល ថ្ងៃទី១២ ខែមីនា ឆ្នាំ២០២៦ នេះ បានអញ្ជើញចូលរួមបើកកម្មពិធីបើកសម្ពោធគម្រោងកិច្ចសហប្រតិបត្តិការមេគង្គ-ឡាងឆាង ឆ្នាំ២០២៥ “Zero Fake News Campaign: Strengthening Anti-Misinformation Effort: Following ” Combating Fake News For Journalist (Phase 2)” ក្រោមអធិបតីភាព ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន នៅសាលបណ្ដុះបណ្ដាលវិក្រឹតការវិជ្ជាជីវៈសារព័ត៌មាន ទីស្ដីការក្រសួងព័ត៌មាន.
ពិធីនេះត្រូវបានរៀបចំឡើងក្នុងគោលបំណង ផ្សព្វផ្សាយឱ្យបានកាន់តែទូលំទូលាយ អំពី កិត្តិនាមនៃកិច្ចសហប្រតិបត្តិការមេគង្គ-ឡានឆាង (Mekong-Lancang Cooperation Branding) រវាង រាជរដ្ឋាភិបាលកម្ពុជា និងរាជរដ្ឋាភិបាលនៃ សាធារណរដ្ឋប្រជាមានិតចិន ជាពិសេសជាមួយក្រសួង ព័ត៌មាន តាមរយៈការសម្របសម្រួលពីស្ថានទូតចិន ប្រចាំព្រះរាជាណាចក្រកម្ពុជា និងក្រសួងការ បរទេស និងសហប្រតិបត្តិការអន្តរជាតិនៃព្រះរាជាណាចក្រ កម្ពុជា។
ផ្សាយ:ថ្ងៃទី១២ ខែមីនា ឆ្នាំ២០២៦
ដោយ:សៅ វាសនា(HarryVS)
រូបថត:ក្រសួងព័ត៌មាន
