ឯកឧត្ដម នាយឧត្តមសេនីយ៍ សាស្ត្រាចារ្យ សេង ផល្លី អគ្គនាយក នៃអគ្គនាយកដ្ឋានធនធានមនុស្ស និងជាអនុប្រធានអចិន្ត្រៃយ៍គណៈកម្មការប្រឡង តំណាង ឯកឧត្ដមសន្តិបណ្ឌិត ចាន់ អ៊ាន រដ្ឋលេខាធិការ និងជាប្រធានគណៈកម្មការ បានអញ្ជើញដឹកនាំកិច្ចប្រជុំត្រួតពិនិត្យនិងតម្រង់ទិសដល់លេខាធិការដ្ឋាន អនុគណៈកម្មការផ្ដល់ពាក្យនិងទទួលពាក្យ និងក្រុមការងារពាក់ព័ន្ធនានា ដើម្បីឱ្យដំណើរការប្រឡងប្រជែងជ្រើសរើសក្របខ័ណ្ឌមន្ត្រីនគរបាលជាតិបំពេញជួសប្រចាំឆ្នាំ២០២៦ ខាងមុខនេះ ប្រព្រឹត្តទៅដោយរលូន ស្របតាមគោលការណ៍និងក្របខ័ណ្ឌពេលវេលាដែលបានកំណត់។
(រាជធានីភ្នំពេញ): នារសៀលថ្ងៃព្រហស្បតិ៍ ទី១០ ខែកញ្ញា ឆ្នាំ២០២៦នេះ ឯកឧត្ដម នាយឧត្តមសេនីយ៍ សាស្ត្រាចារ្យ សេង ផល្លី អគ្គនាយក នៃអគ្គនាយកដ្ឋានធនធានមនុស្ស និងជាអនុប្រធានអចិន្ត្រៃយ៍គណៈកម្មការប្រឡង តំណាង ឯកឧត្ដមសន្តិបណ្ឌិត ចាន់ អ៊ាន រដ្ឋលេខាធិការ និងជាប្រធានគណៈកម្មការ បានអញ្ជើញដឹកនាំកិច្ចប្រជុំត្រួតពិនិត្យនិងតម្រង់ទិសដល់លេខាធិការដ្ឋាន អនុគណៈកម្មការផ្ដល់ពាក្យនិងទទួលពាក្យ និងក្រុមការងារពាក់ព័ន្ធនានា ដើម្បីឱ្យដំណើរការប្រឡងប្រជែងជ្រើសរើសក្របខ័ណ្ឌមន្ត្រីនគរបាលជាតិបំពេញជួសប្រចាំឆ្នាំ២០២៦ ខាងមុខនេះ ប្រព្រឹត្តទៅដោយរលូន ស្របតាមគោលការណ៍និងក្របខ័ណ្ឌពេលវេលាដែលបានកំណត់។
កិច្ចប្រជុំនេះមានការអញ្ជើញចូលរួមពី ឯកឧត្តមអគ្គនាយក អគ្គស្នងការរង អគ្គនាយករង ប្រធាន-អនុប្រធាននាយកដ្ឋាន និងមន្ត្រីជំនាញពាក់ព័ន្ធ ចូលរួមផ្ទាល់ ចំនួន ១៤៦រូប នៅសាលប្រជុំខេត្តបាត់ដំបង នៃទីស្ដីការក្រសួងមហាផ្ទៃ និង ស្នងការដ្ឋាននគរបាលរាជធានី-ខេត្ត ចំនួន ២០ស្នងការដ្ឋាន ចូលរួមតាមប្រព័ន្ធអនឡាញ Zoom។
ផ្សាយ:ថ្ងៃទី១០ ខែកញ្ញា ឆ្នាំ២០២៦
ដោយ:សៅ វាសនា(HarryVS)
📷នាយឧត្តមសេនីយ៍សេង ផល្លី
