អភិបាលខេត្តព្រះសីហនុ ឯកឧត្តម ម៉ាង ស៊ីណេត ដឹកនាំគណៈប្រតិភូខេត្តព្រះសីហនុ ចុះទស្សនកិច្ចប៉ុស្តិ៍ប៉ូ លីស ក្នុងក្រុងអ៊ូ ស៊ី សាធារណរដ្ឋប្រជាមានិតចិន។
(ទីក្រុងអ៊ូស៊ី):ព្រឹកថ្ងៃទី៩ ខែមិថុនា ឆ្នាំ២០២៥ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ បានដឹកនាំគណៈប្រតិភូខេត្តព្រះសីហនុ ចុះទស្សនកិច្ចនៅប៉ុស្តិ៍ប៉ូ លីស ស៊ីនអ៊ូ ផ្លូវធានសាន ក្នុងស្រុកស៊ីងសាន ក្រុងអ៊ូ ស៊ី សាធារណរដ្ឋប្រជាមានិតចិន។ ដំណើរទស្សនកិច្ចនេះផ្តោតលើការស្វែងយល់អំពីការប្រើប្រាស់ឧបករណ៍ទំនើបៗ និងយុទ្ធសាស្ត្រដែលប្រើក្នុងស្ថានភាពផ្សេងៗ រួមទាំងការឆ្លើយតបការប្រយុទ្ធ ប្រតិបត្តិការជួយសង្គ្រោះទាំងនៅលើគោក និងក្នុងទឹក និងការគ្រប់គ្រងសុវត្ថិភាព សន្តិសុខសាធារណៈ រួមទាំងការដោះស្រាយវិវាទផ្សេងៗផង។
ជាពិសេសចំពោះការប្រើប្រាស់បច្ចេកវិទ្យា Drone ដោយស្វ័យប្រវត្តិ ដើម្បីតាមដានស្ថានភាពចរាចរណ៍ និងបទល្មើសផ្សេងៗនៅតាមដងផ្លូវ និងអាគារ។ មន្ត្រីប៉ូលីសបានបង្ហាញពីរបៀបដែលDrone ត្រូវបានដាក់ពង្រាយតាមដងផ្លូវ ដែលមានការកកស្ទះចរាចរណ៍ ទីតាំងគ្រោះថ្នាក់ ទីតាំងដែលមានវិវាទ ឬមានជម្លោះ និងរបៀបដែលពួកគេអាចទាក់ទងជាមួយសាធារណជនដោយផ្ទាល់តាមរយៈការផ្សាយផ្ទាល់ពីយន្តហោះគ្មានមនុស្សបើក (Drone)។
ផ្សាយ:ថ្ងៃទី០៩ ខែមិថុនា ឆ្នាំ២០២៥
ប្រភព:ឯ.ឧ ម៉ាង ស៊ីណេត(ឆាណែល)
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ.
សៅ វាសនា(HarryVS)
