ឯកឧត្តម ម៉ាង ស៊ីណេត អភិបាលខេត្តព្រះសីហនុ អញ្ជើញសំណេះសំណាល សួរសុខទុក្ខពលករចំនួន ៣៣នាក់ដែលទេីបត្រលប់មកពីប្រទេសថៃ នៅស្រុកព្រៃនប់ខេត្តព្រះសីហនុ .
(ខេត្តព្រះសីហនុ): រសៀលថ្ងៃទី២៣ ខែមិថុនា ឆ្នាំ២០២៥ ឯកឧត្តម ម៉ាង ស៊ីណេត អភិបាលខេត្តព្រះសីហនុ អញ្ជើញសំណេះសំណាល សួរសុខទុក្ខ និងនាំយកអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ឧបត្ថម្ភជូនដល់ពលករចំនួន ៣៣នាក់ ក្នុងនោះស្រី ១៨នាក់ ហេីយក៏មាននិស្សិតចំនួន ២នាក់ដែរ ដែលវិលត្រឡប់ពីប្រទេសថៃ មកកាន់លំនៅដ្ឋានវិញនៅក្នុងស្រុកព្រៃនប់ ខេត្តព្រះសីហនុ។
ឆ្លៀតក្នុងឱកាសចុះសួរសុខទុក្ខបងប្អូនពលករត្រលប់មកពីប្រទេសថៃ នាពេលនោះ ឯកឧត្តម ម៉ាង ស៊ីណេត អភិបាលខេត្តព្រះសីហនុ ក៏បានលើកឡើងអំពីប្រសាសន៍ និងបទបញ្ជាដ៏ខ្ពង់ខ្ពស់របស់សម្តេចតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រ កម្ពុជា និងជាប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងសេចក្តីប្រកាស ផ្លូវការរបស់ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងការជូនដំណឹង ដល់អាជ្ញាធរខេត្ត ដែលនៅជាប់ព្រំប្រទល់ ថៃ រួសរាន់ដេីម្បីសម្រួល ការលំបាក់របស់ពលករដែលត្រលប់មកស្រុកកំណេីតវិញ ជាពិសេសស្វែងរកការងារអោយបងប្អូនរនៅក្នុងស្រុករបស់យេីង ។
ឯកឧត្តម ម៉ាង ស៊ីណេត បានគូសបញ្ជាក់ថាគ្មានអ្វីល្អជាងការធ្វេីការងារនៅក្នុងស្រុកកំណេីតរបស់យេីង មាតុភូមិរបស់យេីងនោះទេ ហេីយក្នុងខេត្តព្រះសីហនុ ឱកាសការងារគឺមានច្រេីនកន្លែងនៅទន្ទឹងរង់ចាំបងប្អូន រឺឯប្រាក់ខែកឥមិនខុសគ្នាពីស្រុកគេប៉ុន្មានដែរ។
ឯកឧត្តម ក៏បានណែនាំដល់មន្ទីរពាក់ពន្ធ័ ជាពិសេសមន្ទីរការងារខេត្តប្រាប់លេខទំនាក់ទំនងដល់បងប្អូនពលករដែលមានតម្រូវការសូមអោយបងប្អូនតេមកបានគ្រប់ពេល ប្រសិនបេីចង់ដឹងអំពីព័ត៌មានការងារនៅក្នុងខេត្តគឺខាងមន្ទីរការងារនឹងរៀបចំចាត់ចែងអោយត្រូវតាមសមត្ថភាពរបស់បងប្អូនពលករ។
ក្នុងឱកាសចុះសួរសុខទុក នាពេលនោះ ឯកឧត្តម ម៉ាង ស៊ីណេត អភិបាលខេត្តក៏បានពាំនាំ នូវអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត មួយចំនួន ដើម្បី ចែកជូនប្រជាពលរដ្ឋ ផងដែរ ក្នុងនោះម្នាក់ៗទទួលបាន:
១. អង្ករ ២៥គីឡូចំនួន ១ បាវ
២. មីចំនួន ១ កេស
៣. ត្រីងៀត (ត្រីសមុទ្រ)ចំនួន ១គីឡូ
៤. ទឹកត្រីចំនួន ១ យូរ
៥. ឃីដ (សារុង មុង ភួយ ក្រម៉ា)ចំនួន ១ ឈុត និងថវិកា ១០មុឺនរៀលក្នុងម្នាក់។
ផ្សាយ:ថ្ងៃទី២៣ ខែមិថុនា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលី និងជាប្រធានប្រចាំខេត្តព្រះសីហនុ
សៅ វាសនា(HarryVS)
