ឯកឧត្តម ឧត្តមនាវីទោ លី ហួត មេបញ្ជាការទីបញ្ជាការជួរមុខ បានអញ្ជើញដឹកនាំមន្ត្រីទីបញ្ជាការចូលរួមពិធី បំពាក់ឋានន្តរសក្តិ ថ្នាក់វរនាវីទោ ជូនដល់សព លោកវរនាវីត្រី ចាន់ នាង នៅខេត្តកំពង់ស្ពឺ.
(ខេត្តកំពង់ស្ពឺ): ព្រឹកថ្ងៃអង្គារ ទី០១ ខែកក្កដា ឆ្នាំ២០២៥ វេលាម៉ោង០៨:០០នាទី មន្ត្រីទីបញ្ជាការជួរមុខ អញ្ជើញ ចូលរួមពិធី បំពាក់ឋានន្តរសក្តិ ថ្នាក់វរនាវីទោ ជូនសពវរនាវីត្រី ចាន់ នាង ជាកិច្ចមច្ឆាមរណៈ ក្រោម អធិបតីភាព ឯកឧត្តម ឧត្តមនាវីទោ លី ហួត មេបញ្ជាការទីបញ្ជាការជួរមុខ តំណាងដ៏ខ្ពង់ខ្ពស់ ឯកឧត្តម ឧត្តមនាវីឯក ទៀ សុខា មេបញ្ជាការកងទ័ពជើងទឹក អនុប្រធានប្រចាំការ និងជាអគ្គលេខាធិការនៃ គណៈកម្មាធិការជាតិសន្តិសុខលម្អសមុទ្រ និងគោរព វិញ្ញាណក្ខន្ធសព វរនាវីទោ ចាន់ នាង មេបញ្ជាការរង កងនាវាអន្តរាគមន៍ទីបញ្ជាការជួរមុខ នៅភូមិត្រាំរនាប ឃុំអង្គរពពេល ស្រុកគងពិសី ខេត្តកំពង់ស្ពឺ ។
ឯកឧត្តម ឧត្តមនាវីទោ លី ហួត មេបញ្ជាការទីបញ្ជាការជួរមុខក៏បានពាំនាំយកអំណោយ និងថវិកាមួយចំនួនប្រគល់ជូនដល់ក្រុមគ្រួសារនៃសពផងដែរ។
សូមបញ្ជាក់ថា លោកវរនាវីត្រី ចាន់ នាង មេបញ្ជាការរង កងនាវាអន្តរាគមន៍ ទីបញ្ជាការជួមុខ បានពលីកាលពីវេលាម៉ោង១២:០០ រំលងអធ្រាត ត្រូវនឹងថ្ងៃទី២៩ ឈានចូលថ្ងៃទី៣០ ខែមិថុនា ឆ្នាំ២០២៥ ក្នុងជន្មាយុ៥០ឆ្នាំ។
ផ្សាយ:ថ្ងៃទី១ ខែកក្កដា ឆ្នាំ២០២៤
ដោយ:និពន្ធនាយករងអង្គភាពអាស៊ានដេលី
សៅ វាសនា(HarryVS)
