ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញជាអធិបតីក្នុងពិធីប្រគល់-ទទួលផ្ទះគំរូធន់នឹងការប្រែប្រួលអាកាសធាតុ ក្រោមគម្រោង៖ ការបន្សំទៅនឹងការប្រែប្រួលអាកាសធាតុ តាមរយៈអន្តរាគមន៍ហេដ្ឋារចនាសម័ន្ទខ្នាតតូចនៅ តំបន់លំនៅឋាន តំបន់ឆ្នេរសមុទ្រនៃប្រទេស កម្ពុជា(CCA4CS) នៅស្រុកព្រៃនប់ ខេត្ត ព្រះសីហនុ។
(ខេត្តព្រះសីហនុ): ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញជាអធិបតីក្នុងពិធីប្រគល់-ទទួលផ្ទះគំរូធន់នឹង ការប្រែប្រួលអាកាសធាតុ ក្រោមគម្រោង៖ ការ បន្សំទៅនឹងការប្រែប្រួលអាកាសធាតុ តាមរយៈ អន្តរាគមន៍ហេដ្ឋារចនាសម័ន្ទខ្នាតតូចនៅ តំបន់លំនៅឋាន តំបន់ឆ្នេរសមុទ្រនៃប្រទេស កម្ពុជា(CCA4CS) នៅស្រុកព្រៃនប់ ខេត្ត ព្រះសីហនុ កាលពីរសៀលថ្ងៃទី២៧ ខែតុលា ឆ្នាំ២០២៥ ក្នុងពិធីនោះដែរមានការអញ្ជេីញចូលរួមពីឯកឧត្តម ភាវ សុវុទ្ធី និងលោកស្រី អូឌីសៀ អាងជីឡូ បារីហ្ស (Odicea Angelo Barrios) ប្រធានកម្មវិធីអង្គការ UN-Habitat ប្រចាំនៅតំបន់អាស៊ី និងប៉ាស៊ីហ្វិក ហេីយក៏ជាតំណាងម្ចាស់គម្រោងផ្ទះនេះផងដែរ ព្រមទាំងមន្ត្រីជំនាញ់ជាច្រេីនរូបទៀត។
ឆ្លៀតក្នុងឱកាសនោះ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ ក៏បានថ្លែងអំណរគុណយ៉ាងជ្រាលជ្រៅចំពោះ ឯកឧត្តម លោក លោកស្រី ម្ចាស់ជំនួយ ដៃគូពាក់ព័ន្ធ ក្រុមការងារក្រសួង បរិស្ថាន ក្រុមការងារថ្នាក់ខេត្ត ស្រុក និងឃុំ ដែលបានចូលរួមយ៉ាង សកម្មយកអស់កម្លាំងកាយចិត្ត ប្រាជ្ញា និងស្មារតី ដើម្បីអនុវត្តគម្រោង នេះឱ្យទទួលបានជោគជ័យ ក្លាយជាគំរូល្អសម្រាប់ការការពារបរិស្ថាន និងការរីកចម្រើនដល់ជីវភាពសហគមន៍។
ឯកឧត្តម ម៉ាង ស៊ីណេត បានគូសបញ្ជាក់ថាផ្ទះគំរូ ធន់នឹងការប្រែប្រួលអាកាសធាតុ ក្រោមគម្រោង CCA4CS គឺជាការចូលរួមចំណែកដ៏សំខាន់ក្នុងការលើកកម្ពស់កម្រិតជីវភាពរស់ នៅរបស់ប្រជាពលរដ្ឋក្នុងតំបន់រងគ្រោះ។ ផ្ទះគំរូនេះ បានសិក្សាប្លង់តាម ស្ថាបត្យកម្មសម័យថ្មី ដែលបានគិតគូរពីចនាបទខ្មែរស្របតាមលក្ខខណ្ឌបច្ចេកទេស អាកាសធាតុ ទិសខ្យល់ និងកត្តាផ្សេងៗទៀត មុនចាប់ផ្តើម សាងសង់។
ដោយឡែក ឯកឧត្តម ភាវ សុវុទ្ធី អនុរដ្ឋលេខាធិការក្រសួងបរិស្ថាន ក៏បានអបអរសាទរនឹងធ្វេីការវាយតំលៃខ្ពស់ដល់លោកស្រីអូឌីសៀ អាងជីឡូ បារីហ្ស (Odicea Angelo Barrios) ប្រធានកម្មវិធីអង្គការ UN-Habitat ប្រចាំនៅតំបន់អាស៊ី និងប៉ាស៊ីហ្វិក បានជួយសាងសងផ្ទះគំរូធន់នឹង ការប្រែប្រួលអាកាសធាតុ ក្រោមគម្រោង៖ ការ បន្សំទៅនឹងការប្រែប្រួលអាកាសធាតុ តាមរយៈ អន្តរាគមន៍ហេដ្ឋារចនាសម័ន្ទខ្នាតតូចនៅ តំបន់លំនៅឋាន តំបន់ឆ្នេរសមុទ្រនៃប្រទេស កម្ពុជា(CCA4CS) នៅស្រុកព្រៃនប់ នេះផងដែរ។
ឯកឧត្តម ភាវ សុវុទ្ធី បន្តថាកន្លងមកឃុំទឹកថ្លា ឃុំទឹកល្អក់ និងឃុំសាមគ្គីក្នុងស្រុកព្រៃនប់ គឺស្ថិតក្នុងតំបន់ឆកកំពង់សោម នៅមុខខ្យល់បក់មកពីទិសនិរតី ដែលងាយរងឥទ្ធិពល ពីគ្រោះមហន្តរាយធម្មជាតិ ដូចជា ខ្យល់ព្យុះ ខ្យល់កន្ត្រាក់ និងគ្រោះរាំង ស្ងួតនៅរដូវប្រាំង ជាដើម ហេីយផ្ទះគំរូនេះត្រូវបានសាងសងឡេីងធន់នឹងទប់ទល់ការប្រែប្រួលអាកាសធាតុបែបនោះ។
ផ្សាយ:ថ្ងៃទី២៨ ខែតុលា ឆ្នាំ២០២៥
ដោយ:សៅ វាសនា
