ឯកឧត្តម ម៉ាង ស៊ីណេត អភិបាលខេត្តព្រះសីហនុ និងជាប្រធានកិត្តិយសគណៈកម្មាធិការសមាគមអតីតយុទ្ធជនកម្ពុជាខេត្តព្រះសីហនុ អញ្ជើញជាអធិបតីក្នុងពិធីបញ្ចុះបឋមសិលាសាងសង់ទីស្នាក់ការសមាគមអតីតយុទ្ធជនកម្ពុជាខេត្តព្រះសីហនុ .
(ខេត្តព្រះសីហនុ): រសៀលថ្ងៃទី២៣ ខែមិថុនា ឆ្នាំ២០២៥ ឯកឧត្តម ម៉ាង ស៊ីណេត អភិបាលខេត្តព្រះសីហនុ និងជាប្រធានកិត្តិយសគណៈកម្មាធិការសមាគមអតីតយុទ្ធជនកម្ពុជាខេត្តព្រះសីហនុ បានអញ្ជើញជាអធិបតីក្នុងពិធីបញ្ចុះបឋមសិលាសាងសង់ទីស្នាក់ការសមាគមអតីតយុទ្ធជនកម្ពុជាខេត្តព្រះសីហនុ ដែលជាអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងជាអនុប្រធានទី១ សមាគមអតីតយុទ្ធជនកម្ពុជា ព្រមទាំងសំណេះសំណាលសួរសុខទុក្ខបងប្អូនអតីតយុទ្ធជនក្នុងខេត្តព្រះសីហនុ ស្ថិតនៅភូមិ១ សង្កាត់លេខ១ ក្រុងព្រះសីហនុ ខេត្តព្រះសីហនុ។
ឆ្លៀតក្នុងឨកាសសំណេះសំណាល សួរសុខទុក្ខ ជាមួយអតីត យុទ្ធជន និងនិវត្តជន សរុប ចំនួន១២០នាក់ ឯកឧត្តម ម៉ាង ស៊ីណេត ក៏បានពាំនាំការផ្តាំផ្ញេីសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន និងលោកជំទាវ ជាពិសេសសម្តេចបវរធិបតីនាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ដែលតែងតែគិតគូរពីការលំបាក់របស់បងប្អូនដែលជាអតីតយុវជនទេីបបានរៀបចំពិធីបញ្ចុះបឋមសិលាកសាងទីស្នាក់ការសមាគមសម្រាប់បម្រើនូវសេវាតម្រូវការចាំបាច់ផ្សេងៗ ជូនបងប្អូនអតីតយុទ្ធជនយើងឲ្យកាន់តែមានភាពល្អប្រសើរ បន្ថែមទៀត។
អគារទីស្នាក់ការនេះមានទំហំ២២៨.៨ ម៉ែត្រការ៉េ ធ្វើអំពីបេតុងប្រក់ក្បឿងចែកចេញជា៦បន្ទប់:
-បន្ទប់ធ្វើការរបស់ប្រធាន ០១បន្ទប់
-បន្ទប់លេខាធិការដ្ឋានចំនួន០១បន្ទប់
-បន្ទប់ពិធីការចំនួន ០១បន្ទប់
-សាលប្រជុំចំនួន០១បន្ទប់
-បន្ទប់ទឹកចំនួន០២បន្ទប់ ដែលត្រូវចំណាយថវិកាក្នុងការសាង
សង់សរុបជាង៦ម៉ឺនដុល្លារសហរដ្ឋអាមេរិច។
ក្នុងឱកាសសំណេះសំណាលនោះផងដែរ ឯកឧត្តម ម៉ាង ស៊ី ណេត បាននាំយកអំណោយ របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ចែកជូនសមាជិកសមាគម អតីតយុទ្ធជន ទាំង ១២០នាក់ ក្នុងម្នាក់ៗទទួលបាន:
-អង្ករ ២៥គីឡូក្រាម
-មី១កេស
-ទឹកត្រី១យួរ
-ទឹកស៊ីអ៊ូរ ១យួរ និងថរិកា ៥ម៉ឺនរៀល៕
ផ្សាយ:ថ្ងៃទី២៣ ខែមិថុនា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលី និងជាប្រធានប្រចាំខេត្តព្រះសីហនុ
សៅ វាសនា(HarryVS)
