ឯកឧត្តម វង្ស ផាណាត បានអញ្ជើញដឹកនាំកិច្ចប្រជុំវិសាមញ្ញលើកទី៦ របស់ក្រុមប្រឹក្សាខេត្តព្រះសីហនុ អាណត្តិទី៤.
(ព្រះសីហនុ)៖ នាព្រឹកថ្ងៃទី២៦ ខែមិថុនា ឆ្នាំ២០២៥ ឯកឧត្តម វង្ស ផាណាត ប្រធានក្រុមប្រឹក្សាខេត្តព្រះសីហនុ បានអញ្ជើញជាអធិបតីក្នុងកិច្ចប្រជុំវិសាមញ្ញលើកទី៦ របស់ក្រុមប្រឹក្សាខេត្តព្រះសីហនុ អាណត្តិទី៤ នៅសាលប្រជុំក្រុមប្រឹក្សាខេត្ត ក្រុងព្រះសីហនុ ដោយមានការអញ្ជេីញចូលរួមពីអភិបាលរង ខេត្ត-ក្រុងនាយក-នាយករងរដ្ឋបាលសាលាខេត្ត ប្រធានមន្ទីរ ស្ថាប័នកងកម្លាំងប្រដាប់អាវុធ និងមន្ត្រីខេត្តព្រះសីហនុជាច្រេីនរូបទៀត។
កិច្ចប្រជុំវិសាមញ្ញលើកទី៦នេះ បាននឹងកំពុងពិភាក្សាលើប្រធានបទចំនួន៣សំខាន់ៗ ទី១ ពិនិត្យកូរ៉ុម, ទី២ ពិនិត្យ ពិភាក្សា និងអនុម័តលើសេចក្តីព្រាងរបៀបវារៈនៃកិច្ចប្រជុំវិសាមញ្ញលើកទី៦ របស់ក្រុមប្រឹក្សាខេត្ត អាណត្តិទី៤, និងទី៣ ពិនិត្យ ពិភាក្សា និងអនុម័តលើសេចក្តីព្រាងផែនការអភិវឌ្ឍន៍រយៈពេលប្រាំឆ្នាំ (២០២៥-២០២៩)៕
ផ្សាយ:២៦ ខែមិថុនា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលី និងជាប្រធានប្រចាំខេត្តព្រះសីហនុ.
សៅ វាសនា(HarryVS)
