សៃវៀនជល់មាន់ធំៗ ៣កន្លែង ក្នុងស្រុកស្ទឹងហាវ កំពុងតែបន្លំភ្នែកសមត្ថកិច្ច ខណ:ដែលលោកអធិការស្រុកបានត្រឹមតែឆ្លេីយបំភ្លឺថា…(មានវីដេអូ).
(ខេត្តព្រះសីហនុ): វាពិតជារឿងដែលមិននឹកស្មានដល់ ថា ស្រុកស្ទឹងហារមានសៃវៀនបញ្ជល់មាន់យ៉ាងធំ សម្បើមបែបនេះ ក្រោយពីរូបថតជាច្រើនសន្លឹកត្រូវ បានប្រជាពលរដ្ឋបញ្ជូនមកកាន់អង្គភាពសារព័ត៌មាន ដើម្បីជួយផ្សព្វផ្សាយដល់ថ្នាក់លើ ដើម្បីធ្វើការទប់ស្កាត់ មនុស្សល្បែង ស៊ីសងប្រភេទនេះដែលរាជ រដ្ឋា ភិបាល កំពុងតែមានចំណាត់ការខ្ពស់ ។
យោងតាមប្រភពពីប្រជាពលរដ្ឋដែលបានទម្លាយ រូបភាពមកកាន់អង្គភាពសារព័ត៌មាន (សុំមិនបញ្ចេញ ឈ្មោះ)បានរៀបរាប់ឲ្យដឹងថាសៃវៀនមាន់នេះបានបើក ដំណើរ ការ ជាច្រើនខែមកហើយ នៅក្នុងភូមិសាស្ត្រ ស្រុកស្ទឹងហាវខេត្តព្រះសីហនុ ដោយបែងចែកជា បីទីតាំងផ្សេងគ្នាក្នុងការចល័តថ្ងៃជល់ ដោយទីតាំង ទី១-នៅអតីតរោងចក្រចំរាញ់ប្រេងក្បែររោងចក្រ ស្ទឹងហាវស្ថិតក្នុងភូមិ 4 សង្កាត់អូត្រេះស្រុកសង្ហារ.ទី 2-នៅផ្លូវច្រកចូលទៅតំបន់តាលះ (ច្រកចូលតាម ក្រោមស្ពានផ្លូវល្បឿន)មានទីតាំងស្ថិតនៅព្រំប្រទល់ ស្រុកស្ទឹងហាវ និងក្រុងកំពង់សោម….ទី១-ដែលជាទី តាំងសៃវៀនមានស្តង់ដា ដែលសម្រាប់បញ្ចូលមាន់គូ រថ្លៃៗ ចាប់ផ្តើមពីតម្លៃមួយគួតូចបំផុត 500 500 ដុល្លារឡើង រហូត 5000 ដុល្លាជាង។ប្រភពដដែលបានបន្តទៀតថា ចំពោះមូលហេតុដែលពួកគាត់ទម្លាយរូបភាពទាំងនេះ គឺដើម្បីឱ្យប្រព័ន្ធផ្សព្វផ្សាយធ្វើការផ្សាយ ដើម្បីជាប្រភព ព័ត៌មានមួយ ជាដំណឹងឲ្យថ្នាក់ដឹកនាំខាងលើជ្រាប អំពីស្ថានភាពនៅក្នុងមូលដ្ឋាន ដែលហ៊ានអនុញ្ញាតឲ្យល្បែងស៊ីសងនៅក្នុងទឹកដី ដែលផ្ទុយពីរអនុសាសន៍ របស់សម្តេចមហាបបរធិបតីហ៊ុនម៉ាណែតនាយក រដ្ឋមន្ត្រីនៃព្រះរាជាណាចក្រកម្ពុជា និងបំរាមរបស់ប្រមុខក្រសួងមហាផ្ទៃ។
ដោយឡែកយោងតាមប្រភពផ្សេងទៀត មិនផ្លូវការ បានបញ្ជាក់បន្ថែមថា ម្ចាស់សៃវៀននេះ មានឈ្មោះថា តាស្រមូម ដោយសង្ស័យ មានអ្នកមានអំណាចនៅពីក្រោយហើយជារៀងរាល់ថ្ងៃអ្នកទៅលេងទីនោះមានទាំងអ្នកនេសាទ ម្ចាស់ទូកនេសាទ ប៉ូលីស និងប៉េ អឹមក៏មានដែរ។
ជុំវិញករណីខាងលេីនេះ អង្គភាពសារព័ត៌មាន យេីងក៏បានតេទៅសុំការបំភ្លឺពីលោក រស់ កី អធិការស្រុកស្ទឹងហាវ ដោយលោកអធិការបានបកស្រាយបំភ្លឺថា”ខ្ញុំបានចុះទៅពិនិត្យមេីលជាមួយនឹងលោកអធិការរងរួចហេីយ តែពុំមានឃេីញសៃវៀនជល់មាន់ ដូចដែលប្រជាពលរដ្ឋប្រាប់នោះទេ” ហេីយបានច្រានចោលយ៉ាងដាច់អហិងការថា ក្នុងភូមិសាស្ត្ររបស់គាត់ ក្នុងស្រុកស្ទឹងហាវ គឺពុំមានល្បែងស៊ីសងជល់មាន់ បៀ អាប៉ោង ដូចក្នុងរូបភាពដែលប្រជាពលរដ្ឋបានផ្ញេីមកកាន់អង្គភាពសារព័ត៌មាននោះទេ។
ចំពោះរូបភាព ដែលផ្ញើមកកាន់អង្គភាពសារព័ត៌មាននេះគឺជារូបភាព ចាស់ មិនមែនជារូបភាពបច្ចុប្បន្ននោះទេ។ព្រោះនៅពេល ដែលមានករណីលោកលួចជល់មាន់នេះ លោកបាន ដឹកនាំកម្លាំងចុះបង្ក្រាបជាញឹកញាប់។
ផ្សាយ:ថ្ងៃទី២២ ខែកក្កដា ឆ្នាំ២០២៥
អត្ថបទ:SNTV
កែសម្រួល:អង្គភាពអាស៊ានដេលី
ដោយ:សៅ វាសនា
