សម្រែកស្រែកទ្រហូរយំ ដង្ហើយហៅរកយុត្តិធម៌ ពីសំណាក់ក្រុមគ្រួសារ១ក្រុម ស្ថិតនៅភូមិ៣ ក្រុងព្រះសីហនុ ដោយសារប្អូនៗបង្កើតប្តឹងតុលាការទាមទារ ដី និងផ្ទះរបស់ពួកគាត់ដែលកំពុងស្នាក់នៅ។(មានវីដេអូ)
(ខេត្តព្រះសីហនុ): នៅព្រឹកថ្ងៃព្រហស្បតិ៍ទី២៣ ខែមេសា ឆ្នាំ២០២៦ អង្គភាពគេហទំព័រASEAN អង្គភាពគេហទំព័រ ASEAN DAILY យើង បានទទួលការសំណូមពរពីគ្រួសារអ្នកមីង ដេង អាង និងស្វាមី អុីវ សាយ និងប្អូនប្រុសបង្កើត ដេង ឪ និងភរិយា ប៊ុន ដារី មានទីលំនៅបច្ចុប្បន្នក្រុមទី៨ ភូមិ៣ សង្កាត់លេខ៤ ក្រុងព្រះសីហនុខេត្តព្រះសីហនុ ដើម្បីជួយផ្សព្វផ្សាយរឿងរ៉ាវដ៏អយុត្តិធម៌ដែលបានកើតឡើងលើគ្រួសារ គាត់ដោយសារប្អូនៗបង្កើតដែលមានឈ្មោះ លី តេងផុក ដេង វណ្ណា ផេង និ ប្តឹងតុលាការដើម្បីទាមទារដី និងផ្ទះដែលពួកគាត់ស្នាក់នៅរាល់ថ្ងៃធ្វើជាកម្មសិទ្ធិរបស់ពួកគេទៅវិញ។
បើតាមអ្នកមីង ដេង អាង បានបញ្ជាក់ប្រាប់អង្គភាព ព័ត៌មានថា គាត់ និងស្វាមី បានរស់នៅ និងអាស្រ័យផល លើដីនេះមានទំហំ៧៩៩ម៉ែត្រការ៉េ តាំងពីឆ្នាំ១៩៨៤ មក ម៉្លេះ ហើយបានកសាងបណ្ណកម្មសិទ្ធិជាប្រពន្ធ័ ស្របច្បាប់ ដោយឡែក លោក អ៊ីវ សាយ ស្វាមីរបស់អ្នកស្រីជើង អាង បានបញ្ជាក់ជូនអង្គភាពព័ត៌មានយើងបន្តទៀតថា នៅឆ្នាំ១៩៨៤ ពួកគាត់បានមករស់នៅខេត្តព្រះសីហនុ ជុំគ្នា មានរូបគាត់អ៊ីវ សាយ និងភរិយាឈ្មោះ ដេង អាង, ដេងឪប្អូនថ្លៃ, ដេង និ ប្អូនថ្លៃ,ដេង វណ្ណាប្អូនថ្លៃ និងម្តាយក្មេកឈ្មោះ ហាន គាក់ រូបគាត់ជាអ្នករកស៊ីចិញ្ចឹម គ្រួសារ(អ្នករ៉ាប់រងក្នុងជីវភាពគ្រួសារទាំងស្រុង)។
កន្លងមកដោយរវល់រកស៊ីជួញដូរទៅខេត្តឆ្ងាយៗ ពុំបាននៅផ្ទះជាប់លាប់នោះទេ តែគាត់ក៏បានផ្តល់លុយ ឲ្យម្តាយក្មេកទុកទិញដីម្តងបន្តិចៗ បានជាច្រើនកន្លែង ដោយពុំមានវិវាទអ្វីឡើយ។ ប្អូនៗថ្លៃទាំងអស់រស់នៅ ជាមួយគាត់ហើយរូបគាត់ និងប្រពន្ធ ដេង អាង ជាអ្នករៀបការឲ្យមានគូស្រករហើយថែមទាំងបែងចែកដីឲ្យ ទៀត។
រូបគាត់ និងប្រពន្ធរស់នៅខាងក្រោយដោយសារប្អូនថ្លៃ ដេង និ រស់នៅនឹងលក់ដូរចាប់ហួយនៅខាងមុខ។ នៅ ឆ្នាំ២០០១ បានចុះបញ្ជី Pre-Imap គាត់អុីវ សាយ ពុំបាន បំពេញទិន្នន័យនោះទេលុះដល់ឆ្នាំ២០១៣ គាត់ក៏បានធ្វើការ ចុះបញ្ជីបំពេញបន្ថែមដីនេះ ដោយចែកចេញជា២ឡូត៍ដែលមានបណ្ណលេខ18014030865 និង លេខ180104030866 ។
ក្រោយមកដោយខ្លាចប្អូនថ្លៃស្រីឈ្មោះដេង និ យកដី របស់គាត់(អ៊ីវ សាយ) គាត់ក៏ប្រាប់ឲ្យប្អូនថ្លៃស្រីឈ្មោះ ដេង និ ធ្វើលិខិតជួលដីពីគាត់ ពេលនោះឈ្មោះ ដេង និ ក៏ខឹងសម្បារ ហើយកើតរឿងឈ្លោះទាស់ទែងគ្នា រហូតដល់ថ្នាក់ប្តឹងផ្តល់ដល់តុលាការរឿងដីទាំង២ឡូត៍នេះ រហូតមកដល់បច្ចុប្បន្ន។
គាត់បញ្ជាក់បន្ថែមទៀតថា នៅពេលវាស់វែងធ្វើប្លង់ រឹង គឺមានមន្ត្រីសុរិយោដី មេភូមិ រូបគាត់ អ៊ីវ សាយ ឈ្មោះ ឆាយ ប៊ុន(ប្តីរបស់ដែង វណ្ណា) និងឈ្មោះ មូល សុធា (ប្តីរបស់ដេង និ) ក៏បានចូលរួមវាស់វែងដឹងឮ ទាំងអស់គ្នាដែរ។ហើយតុលាការទាំង៣អាជ្ញាសាលាបានកាត់សេចក្តី ឱ្យគាត់នឹងប្រពន្ធចាញ់ក្តីប្អូនៗហើយការចុះអនុវត្ត ដីកាសម្រេចស្ថាពរឱ្យចុះអនុវត្តរុះរើ និងបណ្តេញ ពួកគាត់ចេញពីដី និងផ្ទះដែលពួកគាត់កំពុងស្នាក់អាស្រ័យ រាល់ថ្ងៃនេះឲ្យចុះចេញនៅថ្ងៃទី២៣ ខែមេសា ឆ្នាំ២០២៦ ព្រឹកនេះ។
ជាចុងក្រោយពួកគាត់ទាំងអស់គ្នា បានធ្វើការសំណូមពរដល់អាជ្ញាធរខេត្ត ក៏ដូចជាសុំកិច្ចអន្តរាគមន៍ ពី ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុតាមរយ:ការផ្សាយរបស់អង្គភាពសារព័ត៌មានយេីង ជាពិសេស ស្នើដល់សម្តេចពុក សម្តេចអគ្គមហាសេនាបតីតេជោ ហ៊ុន សែន និងសម្តេចគតិ ព្រឹទ្ធបណ្ឌិតប៊ុន រ៉ានី ហ៊ុនសែន សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង លោកជំទាវបណ្ឌិត លោកជំទាវបណ្ឌិត ពេជ ចាន់មុន្នី ព្រមទាំង ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ជួយ ចាត់មន្ត្រីយុត្តិធម៌ចុះពិនិត្យ និងរកយុត្តិធម៌ជូនគ្រួសារ ពួកគាត់ដោយសេចក្ដីអនុគ្រោះផង ព្រោះសព្វថ្ងៃនេះ គ្រួសារគាត់កំពុងតែរង់នូវភាពអយុត្តិធម៌ជាខ្លាំង។
អង្គភាពសារព័ត៌មានរបស់យើងគ្រាន់តែជាកញ្ចក់ឆ្លុះ បញ្ចាំង និងជាអ្នកនាំសារពីប្រជារាស្ត្រទៅកាន់ប្រមុខថ្នាក់ដឹកនាំគ្រប់ជាន់ថ្នាក់ គ្មានចេតនាញុះញង់ ឫជាន់ពន្លិចភាគីណាឡើយ អង្គភាពយើងរង់ចាំការបំភ្លឺ បកស្រាយគ្រប់ភាគីពន័្ធរៀងរាល់ម៉ោងធ្វើការតាមច្បាប់របបអ្នកសារព័ត៌មាន.សូមអរគុណ!
ផ្សាយ:ថ្ងៃទី២៣ ខែមេសា ឆ្នាំ២០២៦
ដោយ:សៅ វាសនា(HarryVS)
