លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានអញ្ជើញចូលរួមក្នុងពិធី សំណេះសំណាល និងសួរសុខទុក្ខបងប្អូនអតីតយុទ្ធជន ក្រោម អធិបតីភាព ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ
(ខេត្តព្រះសីហនុ): នៅវេលាម៉ោង០៨:៣០នាទីព្រឹក ថ្ងៃព្រហស្បតិ៍ ទី១៤ ខែឧសភា ឆ្នាំ២០២៦ លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានអញ្ជើញចូលរួមក្នុងពិធី សំណេះសំណាល និងសួរសុខទុក្ខបងប្អូនអតីតយុទ្ធជន ក្រោម អធិបតីភាព ឯកឧត្តម ម៉ាង ស៊ីណេត អភិបាល នៃ គណៈអភិបាលខេត្តព្រះសីហនុ ដែលធ្វើឡើងនៅទីតាំងផ្ទះអតីតយុទ្ធជន ស្ថិតក្នុងភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ៕
ក្នុងឱកាសនោះឯកឧត្តមអភិបាលខេត្ត ក៏បានពាំនាំប្រសាសន៍ផ្តាំផ្ញេីសួរទុក្ខរបស់សម្តេចទាំងទ្វេ សម្តេចតេជោ ហ៊ុន សែន និងលោកជំទាវគតិបណ្ឌិត ប៊ុន រ៉ានី ហ៊ុនសែន ជាពិសេសសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវ ដែលជានិច្ចកាលតែងតែគិតគូរសុខទុក្ខបងប្អូនដែលអតីតយុវជន ដែលបានបូជាសាច់ស្រស់ ឈាមស្រស់ការពារបូរណភាពទឹកដីក្នុងសម័យសង្គ្រាមកន្លងមក គុណបំណាច់ទាំងនេះហេីយដែលធ្វេីអោយប្រជាពលរដ្ឋទាំងមូលមិនអាចបំភ្លេចបាននូវស្នាដៃដ៏ធេងរបស់បងប្អូន ពូ មីង ដែលបានលះបង់ដេីម្បីជាតិមាតិភូមិ៕
ក្នុងនោះឯកឧត្តមអភិបាលខេត្ត ក៏បាននាំយកអំណោយរបស់សម្តេចទាំងពីរ និងថវិកាមួយចំនួនចែកជូនដល់បងប្អូន៕
ផ្សាយ:ថ្ងៃទី១៤ ខែឧសភា ឆ្នាំ២០២៦
ដោយ:សៅ វាសនា(HarryVS)
📷ឧត្តមសេនីយ៍ត្រីហេងប៊ុនទី(FB)
