អាជ្ញាធរខណ្ឌកំបូល និងក្រុមហ៊ុនមីនេបៀ(ខេមបូឌា) MINEBEA CAMBODIA CO.,LTD. ចុះធ្វេីអនាម័យសម្អាតបរិស្ថាន ៣សង្កាត់ ក្នុងខណ្ឌកំបូល រាជធានីភ្នំពេញ
(រាជធានីភ្នំពេញ): នាព្រឹកថ្ងៃទី៣០ ខែឧសភា ឆ្នាំ២០២៦ក្រុមហ៊ុនមីនេបៀ(ខេមបូឌា) MINEBEA CAMBODIA CO.,LTD. ដឹកនាំនិយោជិត និយោជកប្រមាណ៨០០នាក់និងដោយមានការសម្របសម្រួលពីអាជ្ញាធរខណ្ឌកំបូល ដឹកនាំផ្ទាល់ពីសំណាក់ឯកឧត្តម ឃឹម ស៊ុន សូដា អភិបាលនៃគណអភិបាលខណ្ឌកំបូល បានចុះធ្វេីអនាម័យសម្អាតបរិស្ថានក្នុងភូមិសាស្រ្ត ខណ្ឌកំបូល រាជធានី។
បេីតាមការបញ្ជាក់ពីអាជ្ញាធរខណ្ឌកំបូលបានអោយដឹងថាការចុះធ្វេីអនាម័យ សម្អាតបរិស្ថាន និងធ្វេីសណ្តាប់ធ្នាប់សាធារណៈ ក្នុងភូមិសាស្រ្តខណ្ខកំបូលនេះមានសង្កាត់ ចំនួន៣ ក្នុងនោះមានសង្កាត់កន្ទោក បឹងធំ និងភ្លើងឆេះរទេះ ដោយក្រុមហ៊ុនមីនេបៀ(ខេមបូឌា) MINEBEA CAMBODIA CO.,LTD. បានធ្វេីការស្នេីសុំកិច្ចសហការជាមួយនឹងអាជ្ញាធរ ស្របពេលដែល ក្រុមហ៊ុន មានការផ្អាកផលិតកម្មនៅថ្ងៃទី៣០ ខែឧសភា ឆ្នាំ២០២៦ ដើម្បីរាប់ស្តុក (Inventory Day) ។
ក្នុងឱកាសនោះ ឯកឧត្តមអភិបាលខណ្ឌកំបូល ក៏ធ្វើការណែនាំដល់បងប្អូនអាជីវករ លក់ដូរចល័តតាមរឺម៉ក និងបងប្អូនអាជីវករលក់ដូរនៅមុខបុរីពិភព ថ្មីកំបូល តាមបណ្តោយផ្លូវជាតិលេខ៤ ស្ថិតក្នុងភូមិសាស្ត្រសង្កាត់ កន្ទោក សង្កាត់បឹងធំ និងភ្លេីងឆេះរទេះខណ្ឌកំបូល រាជធានីភ្នំពេញ ឱ្យចូលរួមធ្វើការសម្អាត អនាម័យបរិស្ថាន និងវេចខ្ចប់ទុកដាក់សំរាមឱ្យបានត្រឹមត្រូវ ជាប្រចាំ បន្ទាប់ពីលក់ដូររួច នៅជុំវិញទីតាំងរបស់ខ្លួន និងលើ សួនច្បារសាធារណៈ ដើម្បីរួមគ្នាលើកកម្ពស់ទីក្រុងស្អាត។
ផ្សាយ:ថ្ងៃទី៣០ ខែឧសភា ឆ្នាំ២០២៦
ដោយ:សៅ វាសនា(HarryVS)
