រដ្ឋបាលស្រុកបាកាន បាននឹងកំពុងអនុវត្តចលនាដាំ ដេីមឈើ ១ថ្ងៃ១០០ដេីម រៀងរាល់ថ្ងៃក្នុងភូមិសាស្រ្តខេត្តពោធិ៍សាត់
(ខេត្តពោធិ៍សាត់): ដោយយោងតាមការអង្អុលបង្ហាញ ពីសំណាក់ ឯកឧត្តម ខូយ រីដា អភិបាលនៃ គណៈអភិបាលខេត្តពោធិ៍សាត់ និងជាប្រធានគណៈបញ្ជាការឯកភាពខេត្ត នៅព្រឹកថ្ងៃទី១ ខែមិថុនា ឆ្នាំ២០២៦នេះរដ្ឋបាលស្រុកបាកាន ដឹកនាំដោយលោក ឆាយ គឹមម៉ុង អភិបាលនៃគណ:អភិបាលស្រុកបាកាន បានដឹកនាំយ៉ាងផុលផុសនូវចលនាដាំដេីមឈេី ១ថ្ងៃ ១ដេីម នៅតាមបណ្តោយផ្លូវជាតិ៥៥ ក្នុងស្រុកបាកាន ខេត្តពោធិ៍សាត់។
យុទ្ធនាការនៃចលនាដាំដេីមឈេីនេះមានការអញ្ជើញចូលរួមពី អភិបាលរងស្រុក ក្រុមយុវជន អាជ្ញាធរមូលដ្ឋាន កម្លាំង ប្រជាការពារ ព្រមទាំងបងប្អូនប្រជាពលរដ្ឋយ៉ាងច្រើនកុះករ។
យោងតាមប្រសាសន៍ លោក ឆាយ គឹមម៉ុង អភិបាលនៃគណ:អភិបាលស្រុកបាកាន បានអោយដឹងថាក្រោយពីទទួលបានបទបញ្ជាពី ឯកឧត្តមអភិបាលខេត្ត អោយគ្រប់ក្រុង/ស្រុកទូទាំងខេត្តពោធិ៍សាត់ រៀបចំនូវចលនាដាំដេីមឈេី សំរាប់ក្នុងស្រុកបាកាន បានឆ្លើយតប ទៅនិងផែនការ ដែលថ្នាក់ដឹកនាំប្រគល់ជូនភ្លាមៗក្នុងនោះ លោក ឆាយ គឹមម៉ុង ក្នុងនាមលោកជាគណៈបញ្ជាការឯកភាពស្រុក បានដឹកនាំកំលាំងក្រោម ឱវាទសម្រេច ផែនការដាំដើមឈើឡើងវិញនូវតាម បណ្តោយ ផ្លូវជាតិលេខ ៥៥ សម្រេចបានប្រវែង៣គីឡូមម៉ែត្រជាង អមសងខាងផ្លូវសរុប ៦គីឡូម៉ែត្រ ហេីយសរុបចំនួនរុណ្តៅ ៤៤៨ រណ្តៅ និងទទួលបានដេីមឈេី ១៥០ សំរាប់ដាំក្នុងជំហានដំបូង ហេីយរដ្ឋបាលស្រុករបស់លោកនឹងនៅបន្តដាំទៅថ្ងៃមុខជាបន្តបន្ទាប់ទៀត ធ្វេីយ៉ាងណារក្សាអោយបានសោភ័ណភាពល្អ ទៅតាមគោលការណ៍របស់រាជរដ្ឋាភិបាល។
លោកអភិបាលស្រុកបានបន្ថែមទៀតថា កន្លងមកក្រោមការដឹកនាំដោយបុិនប្រសព្វនឹងយកចិត្តទុកដាក់របស់ ឯកឧត្តម ខូយ រីដា អភិបាលខេត្ត បានកែប្រែសោភ័ណភាពតាមមូលដ្ឋាន ក្រុង/ស្រុកទាំង៧ ទូទាំង ខេត្តពោធិ៍សាត់ មានអនាម័យល្អ បរិស្ថានស្អាត និងសណ្តាប់ធ្នាប់ល្អ ហេីយជាពិសេសនោះគឺការចូលរួមយ៉ាងសកម្មពីការរួមកម្លាំងគ្នារបស់ប្រជាពលរដ្ឋបានផ្លាស់ប្តូរឥរិយាបថរស់នៅក្នុងមូលដ្ឋានរបស់ពួកគាត់ កាន់តែលេីកកម្ពស់សោភ័ណភាពបរិស្ថានអោយកាន់តែស្រស់បំព្រង ហេីយរដ្ឋបាលស្រុកបាកាន ក៏បានផ្យព្វផ្សាយទៅកាន់ប្រជាពលរដ្ឋក្នុងមូលដ្ឋានយ៉ាងហោចណាស់អោយបងប្អូនប្រជាពលរដ្ឋជាចលនា១ឆ្នាំ ១គ្រួសារ ធ្វេីយ៉ាងណាដាំដេីមឈេីអោយបាន១ដេីមតាមផ្ទះ ហេីយប្រសិនបើមានការចូលរួមយ៉ាងសកម្មពីប្រជាពលរដ្ឋគ្រប់ទិសទី ខេត្តពោធិ៍សាត់នឹងប្រែប្តូរមុខមាត់ថ្មី ក្លាយជាខេត្តដែលពោរពេញ ដោយភាពបៃតង ស្រស់ស្អាត មានខ្យល់អាកាសបរិសុទ្ធ និងជាទីមនោរម្យសម្រាប់មនុស្សគ្រប់ជំនាន់តទៅមុខទៀត៕។
លោក ឆាយ គឹមម៉ុង អភិបាលស្រុកបាកាន ក៏ធ្វេីការអំពាវនាវ និងសំណូមពរយ៉ាងទទួចដល់បងប្អូនប្រជាពលរដ្ឋគ្រប់រូប សូមចូលរួមចំណែកជួយមើលថែទាំ ការពារ និងស្រោចទឹកកូនឈើដែលបាន ដាំនៅតាមមុខផ្ទះ ឬតាមដងផ្លូវរៀងៗខ្លួនផងដែរ។
ផ្សាយ:ថ្ងៃទី១ ខែមិថុនា ឆ្នាំ២០២៦
ដោយ:សៅ វាសនា(HarryVS)
📷និពន្ធនាយករងប្រចាំខេត្តពោធិ៍សាត់
