ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីដ៏ខ្ពង់ខ្ពស់ចូលរួមពិធីសំណេះសំណាលជាមួយ បងប្អូនកម្មករនិយោជិត ចំនួន ៣ ១០៨នាក់ នៅ ខេត្តព្រៃវែង ក្នុងឱកាសខួបអនុស្សាវរីយ៍លើក ទី១៤០ ទិវាពលកម្មអន្តរជាតិ ១ ឧសភា ២០២៦
(ខេត្តព្រៃវែង): នាព្រឹកថ្ងៃទី១ ខែឧសភា ឆ្នាំ២០២៦ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីដ៏ខ្ពង់ខ្ពស់ចូលរួមពិធីសំណេះសំណាលជាមួយ បងប្អូនកម្មករនិយោជិត ចំនួន ៣ ១០៨នាក់ នៅ ខេត្តព្រៃវែង ក្នុងឱកាសខួបអនុស្សាវរីយ៍លើក ទី១៤០ ទិវាពលកម្មអន្តរជាតិ ១ ឧសភា ២០២៦ នៅបរិវេណក្រុមហ៊ុន អរិន មេនុហ្វេកធីវីង (ខ្មែរ) ក្នុងស្រុកកំចាយមារ ខេត្តព្រៃវែង។
ក្នុងឱកាសនោះដែរ ឯកឧត្តមអភិសន្តិបណ្ឌិត ក៏បានរៀបចំអាហារសាមគ្គី នឹងផ្តល់ជូននូវក្រមា និងថវិកា ដល់កម្មករ និយោជិត ទាំង ៣ ១០៨នាក់ ដោយក្នុងម្នាក់ៗ ទទួលបាន៖ ក្រមា ចំនួន ១ និងថវិកា ចំនួន ៤ម៉ឺនរៀល។ ដោយឡែកសម្រាប់ស្ត្រីមានផ្ទៃពោះ ៧៩នាក់ ក្នុងម្នាក់ៗទទួលបាន៖ ក្រមា ចំនួន ១ និងថវិកា ចំនួន ១៤ម៉ឺនរៀលផងដែរ៕
ផ្សាយ:ថ្ងៃទី១ ខែឧសភា ឆ្នាំ២០២៦
ដោយ:សៅ វាសនា(HarryVS)
