អភិបាលខេត្តព្រះសីហនុ បានអញ្ជើញដឹកនាំមន្ត្រី ជំនាញចុះពិនិត្យវឌ្ឍនភាពនៃការស្ថាបនាផ្លូវលេខ ១២៣-១៣ ស្ថិតនៅភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ។
(ខេត្តព្រះសីហនុ): កាលពីព្រឹកថ្ងៃទី២៤ ឧសភា ២០២៦ ឯកឧត្តម ម៉ាង ស៊ីណេត អភិបាល នៃគណៈ អភិបាលខេត្តព្រះសីហនុ បានអញ្ជើញដឹកនាំមន្ត្រី ជំនាញចុះពិនិត្យវឌ្ឍនភាពនៃការស្ថាបនាផ្លូវលេខ ១២៣-១៣ ស្ថិតនៅភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ។
ផ្លូវបេតុងដែលកំពុងស្ថាបនានេះ មានបណ្តោយជាង ៣០០ម៉ែត្រ ទទឹង ៨ម៉ែត្រ និងកម្រាស់ ១តឹកកន្លះ ព្រមទាំងមាន ប្រព័ន្ធលូរំដោះទឹកអមសងខាងផ្លូវផងដែរ។ គម្រោងនេះ ត្រូវបានឧបត្ថម្ភ ថវិកាសាងសង់ដោយលោកជំទាវ ប្រាក់ ចាន់សុខា ដែលត្រូវគេដឹងថាត្រូវចំណាយ ថវិកាអស់ខ្ទង់ ១០ម៉ឺនដុល្លារជាង គ្រោងនឹងបិទបញ្ចប់រួចរាល់នាពេលខាងមុខឆាប់ៗនេះ។
លេីសពីនេះ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ ក៏បានធ្វេីការកោតសរសើរ និងថ្លែងអំណរគុណដល់ សប្បុរសជន ដែលបានចូលរួមថវិកាផ្ទាល់ខ្លួនក្នុងការអភិវឌ្ឍហេដ្ឋារចនាសម្ព័ន្ធផ្លូវថ្នល់ ដើម្បីសម្រួល ការធ្វើដំណើររបស់ប្រជាពលរដ្ឋ និងភ្ញៀវទេសចរជាតិ-អន្តរជាតិ ព្រមទាំងរួមចំណែកកាត់បន្ថយការកកស្ទះចរាចរណ៍ ស្របពេលដែលខេត្តព្រះសីហនុ កំពុងមានការរីកចម្រើន និងការអភិវឌ្ឍជាបន្តបន្ទាប់។
ផ្សាយ:ថ្ងៃទី២៥ ខែឧសភា ឆ្នាំ២០២៦
ដោយ:សៅ វាសនា(HarryVS)
📷ម៉ាងស៊ីណេត/MangSineth
