លោក ឡាក់ ម៉េងធី អញ្ជើញនាំយកថវិការបស់ឯកឧត្តម ឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល និងជាប្រធានក្រុមការងារចុះមូលដ្ឋានសង្កាត់ដើមមៀន ចំនួន២,២០០,០០០រៀល ជូនដល់ក្រុមគ្រួសាររបស់លោក លឹម ស៊ីដន អនុប្រធានភូមិដើមគរ ដែលបានទទួលមរណភាពដោយរោគាពាធ។
(ខេត្តកណ្តាល): ដោយអនុវត្តតាមការចង្អុលដឹកនាំពីឯកឧត្តម ឈឿន សុចិត្ត ប្រធានក្រុមការងារចុះមូលដ្ឋានសង្កាត់ដើមមៀន ក្រុមការងារចុះមូលដ្ឋានភូមិដើមគរ ដឹកនាំដោយលោក ឡាក់ ម៉េងធី បានសហការជាមួយក្រុមការងារភូមិ អញ្ជើញចូលរួមរំលែកទុក្ខដល់ក្រុមគ្រួសាររបស់លោក លឹម ស៊ីដន អនុប្រធានភូមិដើមគរ ដែលបានទទួលមរណភាព នៅថ្ងៃសៅរ៍ ទី១៨ ខែកក្កដា ឆ្នាំ២០២៦ វេលាម៉ោង២:៥០នាទីទៀបភ្លឺ ក្នុងជន្មាយុ៦២ឆ្នាំ ដោយរោគាពាធ។
ស្ថិតក្នុងឱកាសដ៏សែនក្រៀមក្រំ លោក ឡាក់ ម៉េងធី ក៏បានសម្តែងនូវសេចក្តីសោកសៅសោកស្តាយ នឹករលឹកជាពន់ពេក ដែលបានបាត់បង់ធនធានមនុស្សដ៏កម្រ និងនាំយកថវិការបស់ឯកឧត្តមប្រធានចំនួន២,២០០,០០០រៀលជូនដល់គ្រួសារសពផងដែរ។
ផ្សាយ:ថ្ងៃទី១៨ ខែកក្កដា ឆ្នាំ២០២៦
ដោយ:សៅ វាសនា(HarryVS)
📷Lak Mengthy(FB)
