ស្នងការនគរបាលខេត្តពោធិ៍សាត់ មិនលេីកទូរសព្ទ័ បែរជាចេញលិខិតកោះហៅទៅវិញ “ជុំវិញករណី អង្គភាពសារព័ត៌មានអាស៊ានដេលីចុះផ្សាយថា” ប្រជាពលរដ្ឋរត់តាក់ស៊ី និងអ្នកដឹកទំនិញតាមរថយន្ត សម្តែងការមិនពេញចិត្ត ទៅនឹងទង្វើក្រុមប៉ូលីស ដាក់កុងត្រូល នៅខេត្តពោធិ៍សាត់ “.
(រាជធានីភ្នំពេញ): ក្រោយពីអង្គភាពសារព័ត៌មាន ASEAN DAILY បានធ្វេីការចុះផ្សព្វផ្សាយអត្ថបទមួយ ស្តីពី ប្រជាពលរដ្ឋរត់តាក់ស៊ី និងអ្នកដឹកទំនិញតាមរថយន្តសម្តែងការមិនពេញចិត្តទៅនិងទង្វើក្រុមប៉ូលិស ដាក់កុងត្រូលជជុះ២កន្លែងតាមបណ្តោយផ្លូវជាតិលេខ៥ ចន្លោះគីឡូម៉ែត្រ១៧៣ និង ចំណុចអូរលាក់មាស ឃុំស្ទឹងថ្មី ស្រុក វាលវែង ក្នុងភូមិសាស្ត្រ ខេត្តពោធិ៍សាត់ កាលពីថ្ងៃទី៨ ខែកក្កដា ឆ្នាំ២០២៥ កន្លងទៅថ្មីៗនេះមក។👇
https://www.aseandaily.info/news/27137.html
ស្រាប់តែថ្ងៃ១១ ខែកក្កដា ឆ្នាំ២០២៥ នេះស្នងការនគរបាលខេត្តពោធិ៍សាត់ ផែនការងារនគរបាលព្រហ្មទណ្ឌលោកវរសេនីយ៍ទោ ដោក-យេត បានចេញលិខិតកោះហៅ លោក សាំង វាសនា ក្រុមការងាររបស់អង្គភាពសារព័ត៌មាន ASEAN DAILY ប្រចាំការក្នុងខេត្តពោធិ៍សាត់ពីបទបរិហាកេរ្តិ៍ជាសាធារណៈ និងញុះញង់ទៅវិញ ហាក់ផ្ទុយទៅនឹងច្បាប់ ស្តីពី របបអ្នកសារព័ត៌មានត្រង់មាត្រទី១០ ជំពូកទី១ សិទ្ធិ និងសេរីភាពខាងសារព័ត៌មានដូចដែលបានចែងខាងក្រោម:
សូមថ្នាក់ដឹកនាំគ្រប់ជាន់ថ្នាក់ព្រមទាំងបងប្អូន ប្រជាពលរដ្ឋជួយពិចារណាមើល ថាតើហេតុអ្វីបានជាខាង លោកស្នងការដ្ឋាននគរបាលខេត្តពោធិ៍សាត់មិនមានការ ឆ្លើយបំភ្លឺពាក់ព័ន្ធនឹងករណីខាងលើបែរជាចេញលិខិត កោះហៅអ្នកសារព័ត៌មានឲ្យចូលខ្លួន សមដែរឬទេ?
អង្គភាពសារព័ត៌មាន ASEAN DAILY យើងខ្ញុំរស់ក្រោមដំបូលនៃម្លប់សន្តិភាពរបស់រាជរដ្ឋាភិបាល ស្នើសុំដល់
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា សូមមេត្តាចេញបទបញ្ជាអោយមន្ត្រីក្រោមឱវាទជួយវែកមុខ ជនស៊ីវិលស្លៀកពាក់ឯកសណ្ឋានសមត្ថកិច្ចចេញប្រតិបត្តិការតែពេលយប់ និងកន្លែងស្ងាត់ បើករថយន្ត ដេញស្នាក់នឹងឃាត់រថយន្តបងប្អូនអ្នករត់តាក់ស៊ី ឬដឹកអីវ៉ាន់នៅបណ្តោយផ្លូវជាតិលេខ ៥ ចំណុចគីឡូ លេខ ១៧៣ ស្លាកលេខ (ន.ប២ ០៤០៧) ដោយក្តីអនុគ្រោះ ព្រោះបងប្អូន ប្រជាពលរដ្ឋអ្នករត់តាក់ស៊ីនិងដឹកអីវ៉ាន់គាត់មានការភ័យខ្លាចជាខ្លាំងពេលដែលដេញ
ស្នាក់គាត់ម្តងៗ អង្គភាពសារព័ត៌មាន ASEAN DAILYយើងខ្ញុំក៏ស្នើសុំ ដល់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃផងដែរ សូមមេត្តាចាត់មន្ត្រី ជំនាញក្រសួងមហាផ្ទៃចុះអធិការកិច្ចត្រួតពិនិត្យករណីខាងលើនេះដោយក្តីអនុគ្រោះផងទាន។
អង្គភាពសារព័ត៌មានយើងខ្ញុំគ្រាន់តែ ជាកញ្ចក់ឆ្លុះបញ្ចាំង
រិះគន់ក្នុងន័យស្ថាបនាគ្មានចេតនា ញុះញង់ទៅលើស្ថាប័នពាក់ព័ន្ធមួយណាឡើយ និងរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធរាល់ម៉ោងធ្វើការតាមរបបសារព័ត៌មាន។
សូមអរគុណ!
ផ្សាយ:ថ្ងៃទី១២ ខែកក្កដា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលី
សៅ វាសនា(HarryVS)
