លោកឧត្ដមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ បានដឹកនាំកម្លាំងចុះជួយពន្លត់ និងបង្ក្រាបអគ្គីភ័យដែលឆាបឆេះ ផ្ទះរបស់បងប្អូនប្រជាពលរដ្ឋនៅភូមិត្រពាំងអង្គ សង្កាត់រកាក្រៅ ក្រុងដូនកែវ ខេត្តតាកែវ។
(ខេត្តតាកែវ)៖ យប់ថ្ងៃទី២២ ខែកក្កដា ឆ្នាំ២០២៥
លោកឧត្ដមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្ត បានដឹកនាំកម្លាំងកងរាជអាវុធហត្ថខេត្ត កម្លាំងមូលដ្ឋានកងរាជអាវុធហត្ថក្រុង សហការជាមួយកម្លាំងនគរបាលខេត្ត អង្គភាពពាក់ព័ន្ធ និងបងប្អូនប្រជាពលរដ្ឋ ចុះជួយសង្គ្រោះ ពន្លត់អគ្គីភ័យដែលឆាបឆេះ ផ្ទះរបស់បងប្អូនប្រជាពលរដ្ឋនៅភូមិត្រពាំងអង្គ សង្កាត់រកាក្រៅ ក្រុងដូនកែវ ខេត្តតាកែវ។
ករណីឆាបឆេះនេះបណ្តាលមកពី ឆ្លងចរន្តអគ្គិសនី ធ្វើឱ្យខូចខាត ឆេះគ្រែឈើ ឆេះទូរឈើ ឆេះសម្ភារៈគ្រឿងសង្ហារិមមួយចំនួន និងមិនបណ្តាលឱ្យមានគ្រោះថ្នាក់ដល់មនុស្សទេ។
ជាមួយគ្នានោះ លោកឧត្តមសេនីយ៍ត្រី ក៏បានផ្តាំផ្ញេីដល់បងប្អូនប្រជាពលរដ្ឋ អោយមានការប្រុងប្រយត្ន័ជានិច្ច មុននឹងចូលសំរាន់ឫចេញទៅណាគួរតែពិនិត្យបិទភ្លេីងអោយបានត្រឹមត្រូវ សូមកុំធ្វេីការតបណ្តាញភ្លេីងដោយខ្លួនឯង ប្រសិនបេីមិនចេះ ត្រូវជួលអ្នកជំនាញមកជួយទេីបជាការត្រឹមត្រូវ។
ផ្សាយ:ថ្ងៃទី២៣ ខែកក្កដា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលី
សៅ វាសនា(HarryVS)
